《香港好去處 木工&陶瓷製作Workshop——初五工作室》

平時一到星期六日覺得冇野做嘅你有冇諗過搞搞新意思?如果未諗到,建議試下參加本地嘅Workshop。

木工工作坊-初五工作室

今次要介紹嘅係初五工作室嘅日系木工同陶瓷工作坊。初五工作室成立嘅理念就係為更多從事藝術創作嘅朋友提供個共享空間,呢個Studio主要就有木工Workshop同陶瓷Workshop,陶瓷Workshop當中仲有分長期班同體驗班添。體驗班就可以認識木工同陶瓷嘅過程,用一堂時間製作簡單嘅作品;而長期班就主要係鞏固基礎,由頭認識木工同陶瓷嘅各種實用知識。

自己親手完成嘅作品又有意義,可以PO上IG打卡之餘又可以送畀摯愛,又或者自己收藏又得,自用亦得~一舉多得~得咗~

《工作坊內容》

木工體驗工作坊主要係製作兩件餐具組合。同學仔可以選擇製作筷子、匙羹、叉、牛油刀、雙頭餐具或者露營餐具組合都得;木材方面就有呢幾個選擇:黑胡桃木、櫻桃木、楓木、松木。參加嘅同學仔會喺木塊上設計餐具形狀,再由線鋸去切割出餐具嘅雛形,之後再用唔同工具雕磨棱角慢慢整出理想效果,最後就會搽上木蠟,咁樣就可以令成套既防水又襟用~工作坊仲有埋免費刻名服務,完成後仲收到木盒擺放餐具添。

木工工作坊-製成品

陶瓷體驗工作坊主要係初步學習基本陶瓷技巧,例如手捏,拉坯同倒模等,同學仔以拉坯同手捏可以製作製作一至兩件瓷器作品,例如實用嘅杯碗碟,又或者小飾物、飾物座等等。成個製作過程導師都會從旁提供大程度嘅協助,令同學仔順利整出自己滿意嘅作品。經過導師嘅指導,同學仔可以用返學到嘅技巧創作瓷器,盡情發揮小宇宙~

陶瓷工作坊


而陶瓷長期班就會深入教授陶瓷塑形及拉坯嘅成個過程嘅技巧,例如搓泥、拉坯、修坯、上釉等。課程都會涵蓋陶瓷的各種知識,譬如各種陶泥和釉嘅的習性、燒製時間同埋喺唔同情況下嘅變化等。導師主要會輔助同學仔嘅手勢同姿勢,打好創作陶瓷嘅根基。同學仔熟習咗成套技巧之後仲就可以自由創作作品,作品範疇分別有(1) 拉坯班嘅杯,碗,咖啡用具,再進階啲就有碟、花樽、清酒瓶、茶具(茶壺);(2) 陶瓷雕塑班嘅各種小型同大型雕塑,人像、物件例如香座或動物。長期班仲唔限作品件數:p 到時整多件送畀男女朋友、屋企人同埋朋友仔都得啦XD

木工同陶瓷體驗工作坊課堂內較為簡單,容易上手;長期班製作作品嘅自由度同範圍就大啲,而且可以深度學習陶瓷工藝。大家可以睇下自己想培養木工同陶瓷嘅興趣定純粹體驗下呢兩樣手工,衡量返參加咩班,如果唔肯定嘅大家都可以報住體驗班試下先㗎:)

《課堂時間及價錢》

木工工作坊製作過程需時只要兩至三個鐘,日子、課堂時間彈性,冇固定timetable,同學仔可以喺WhatsApp查詢時提出得閒嘅日子同時間,再進行預約。
日式木工工作坊價錢:$450/人 $810/2人
而家報名二人同行仲有九折,啱曬情侶手拖手拍拖去體驗下啦:p

而陶瓷長期班工作坊每期就總共有四堂,每堂三個鐘。
價錢方面:一期(共四堂) $1680/人 [包所有機器,材料費,泥及工具(不限作品件數)]
燒製費用:素燒$5/100g 釉燒 $7/100g (一般水杯大約200-300g左右)

陶瓷體驗班詳細價錢如下:
一堂 (只體驗素坯製作) :
$420/人 包一件作品(導師代為修坯及上單色釉)(已包括所有機器材料及燒製費用)
如想加製作品 $120/1

兩堂(製作素坯及上釉) :
$750/ppl 人
第一堂 二小時 製作素坯
第二堂 一小時 微調及上釉(不限顏色)
包一件作品(導師代為修坯)(已包括所有機器材料及燒製費用)
如想加製作品 $120/1

個人或者小組都歡迎預約課堂時間架:D

《交通》

地址:觀塘道449-458號觀塘工業中心三期10樓J室
初五工作室位於觀塘工業中心,只要由觀塘站D4出口出,落幾級樓梯右手邊就係㗎喇~
如果搭巴士嘅就可以坐16、601、、641、671、88X;
Studio位置四通八達,真係好方便呀~

⁣⁣又有得玩又有自己親手製作嘅作品可以拎走留念,咁有意義嘅手工班不妨同朋友仔、男女朋友又或者屋企人參加下~四個字講曬,必試、必去!

如果睇完以上咁多資料大家有興趣報名嘅話,歡迎WhatsApp你嘅理想上堂日子同時間到 +852- 5960 8697 預約~

查詢/預約 工作坊

1. 致電或 Whatsapp +852-5960 8697,填寫工作坊資料。

工作坊名稱:

日期:

時間:

人數:

2. TADO 會WhatsApp發出確認預約訊息。

3. 以PayMe/Online信用卡付款後,便成功預訂!

 

---------------------------------------------------

TADO 生活態度概念空間-立即訂閱TADO,首次參加工作坊即減$20,隨時收到限時優惠,每人減高達$100!!留言你參加了TADO工作坊的體驗, 下次即可享減$8預訂優惠!📌Bookmark定TADO!Follow TADO Instagram 🎬 想了解更多工作坊資訊, 去Youtube 觀賞精彩短片吧!